एप्रिल 13, 2017
जामखेड मर्चंट्स सहकारी बँक लि., अहमदनगर, महाराष्ट्र ह्यांना दिलेल्या निदेशांना आरबीआयकडून मुदतवाढ
एप्रिल 12, 2016 रोजी व्यवहार बंद झाल्यापासून, जामखेड मर्चंट्स सहकारी बँक लि. अहमदनगर, महाराष्ट्र ह्यांना, निदेश दि. एप्रिल 7, 2016 रोजीच्या निदेशान्वये, सहा महिन्यांच्या कालावधीसाठी निदेशांखाली ठेवण्यात आले होते. निदेश दि. ऑक्टोबर 6, 2016 अन्वये, वरील निदेशांची वैधता, ऑक्टोबर 13, 2016 ते एप्रिल 12, 2017 पर्यंत (सहा महिन्यांसाठी) वाढविण्यात आली होती. वरील निदेशांची वैधता, निदेश दि. एप्रिल 6, 2017 अन्वये जून 12, 2017 पर्यंत (आणखी दोन महिन्यांसाठी) पुनरावलोकनाच्या अटीवर वाढविण्यात आली आहे.
संदर्भित निदेशाच्या इतर अटी व शर्तींमध्ये कोणताही बदल नाही.
वरील मुदतवाढ व बदल समाविष्ट असलेल्या, दि. एप्रिल 6, 2017 च्या निदेशाची एक प्रत, जनतेच्या माहितीसाठी, वरील बँकेच्या कार्यालयात लावण्यात आली आहे.
भारतीय रिझर्व बँकेने वरीलप्रमाणे मुदतवाढ दिली ह्याचा अर्थ, वरील बँकेच्या आर्थिक स्थितीत लक्षणीय सुधारणा झाली असल्याबाबत रिझर्व बँकेचे समाधान झाले आहे असा घेण्यात येऊ नये.
अजित प्रसाद
सहाय्यक सल्लागार
वृत्तपत्र निवेदन : 2016-2017/2776 |