साऊथ इंडियन बँक लि. ह्यांचेवर भारतीय रिझर्व बँकेकडून आर्थिक दंड लागु |
मे 18, 2018
साऊथ इंडियन बँक लि. ह्यांचेवर भारतीय रिझर्व बँकेकडून आर्थिक दंड लागु
मे 14, 2018 च्या आदेशान्वये, भारतीय रिझर्व बँकेने, साऊथ इंडियन बँक लि. ह्यांचेवर (ती बँक) रु.50 दशलक्ष दंड लागु केला आहे. हा दंड इनकम रेकग्निशन व अॅसेट क्लासिफिकेशन (आयआरएसी), तुमचा ग्राहक जाणा (केवायसी) व ट्रेझरी फंक्शन ह्यावरील आरबीआयने दिलेल्या सूचनांचे पालन न केले असल्याने व अनुपालनातील व अनुपालन-संस्कृतीमधील त्रुटींसाठी लावण्यात आला आहे. आरबीआयने दिलेल्या वरील निर्देशांचे वरील बँकेने पालन केले नसल्याने, आरबीआयने, बँकिंग विनियामक अधिनियम 1949 च्या कलम 46(4)(1) सह वाचित, कलम 47अ(1)(क) खाली तिला देण्यात आलेल्या अधिकारांखाली हा दंड लागु केला आहे.
विनियामक अनुपालनांमधील त्रुटींवर आधारित ही कारवाई करण्यात आली असून, त्याचा संबंध वरील बँकेने तिच्या ग्राहकांशी केलेल्या करारांशी किंवा व्यवहारांशी नाही.
जोस जे कत्तूर
मुख्य महाव्यवस्थापक
वृत्तपत्र निवेदन : 2017-2018/3038 |
|