फेब्रुवारी 13, 2019
दि चित्तुर को-ऑपरेटिव टाऊन बँक लि., चित्तुर, आंध्र प्रदेश ह्यांचेवर आर्थिक दंड लागु
बँकिंग विनियामक अधिनियम 1949 च्या (सहकारी सोसायट्यांना लागु असलेला) कलम 46 च्या पोटकलम 4 सह वाचित, कलम 47अ(1)(क) खाली तिला दिलेल्या अधिकारांचा वापर करुन, भारतीय रिझर्व बँकेने, दि चित्तुर को-ऑपरेटिव टाऊन बँक लि., चित्तुर, आंध्र प्रदेश ह्यांचेवर रु.50,000/- (रुपये पन्नास हजार) आर्थिक दंड लागु केला असून, तो दंड, वरील बँकिंग विनियामक अधिनियमाच्या कलम 26(अ) खाली, हक्क न सांगण्यात आलेल्या ठेवींचे, ठेवीदार शिक्षण व जाणीव निधीमध्ये हस्तांतरण न करण्याबाबत, भारतीय रिझर्व बँकेने दिलेले निर्देश/मार्गदर्शक तत्वे/सूचनांचे पालन न केले गेल्याने लावण्यात आला आहे.
भारतीय रिझर्व बँकेने वरील बँकेला एक कारणे दाखवा नोटिस पाठविली होती व त्यावर त्या बँकेने तिचे लेखी उत्तरही सादर केले होते. ह्या प्रकरणातील सत्य व त्या बँकेने त्यावर दिलेले उत्तर विचारात घेऊन रिझर्व बँकेने निष्कर्ष काढला की उल्लंघन झाले असून त्यासाठी दंड लावणे आवश्यक आहे.
अजित प्रसाद
सहाय्यक सल्लागार
वृत्तपत्र निवेदन : 2018-2019/1929
|