30 एप्रिल 2021

बँकिंग विनियमन अधिनियम, 1949 कलम 56 चे वाचन करीता, कलम 35A अंतर्गत निर्देश - दि नीड्स
ऑफ लाइफ को-ऑपरेटिव्ह बॅंक लिमिटेड, मुंबई, - कालावधी वाढविणे

भारतीय रिझर्व्ह बँकेने दिनांक 26 ऑक्टोबर 2018 रोजी दिलेल्या निर्देश सं. DCBS.CO.BSD-I/D-3/12.22.163/2018-19 च्या अनुषंगाने दि नीड्स ऑफ लाइफ को-ऑपरेटिव्ह बॅंक लिमिटेड, मुंबई, वर दिनांक 29 ऑक्टोबर 2018 ची कार्यालयीन वेळ संपल्यापासून सहा महीन्या पर्यंत दिशानिर्देश लादण्यात आले होते. या नियमावलीचा कालावधी वेळोवेळी वाढवण्यात आला असून आता दिनांक 30 एप्रिल 2021 पर्यंत हे नियम लागू होते.

2. जनतेच्या माहितीसाठी सुचना देण्यात येत आहे की, भारतीय रिझर्व्ह बँक, बँकिंग विनियमन अधिनियम, 1949 कलम 56 चे वाचन करीता, कलम 35A चे उप कलम (1) अनुसार, आपल्या प्रदत्त अधिकाराचा वापर करून असा आदेश देत आहे की उपरोक्त दिशानिर्देशचा कालावधि हा दिनांक 26 एप्रिल 2021 च्या सुधारित निर्देश सं. DOR.MON/No.D-06/12.22.160/2021-22 व्दारा दिनांक 31 ऑक्टोबर 2021 पर्यंत वाढवण्यात आला आहे, जो बँकेच्या आर्थिक आढाव्यावर पुनरावलोकनाधीन असेल.

3. संदर्भाधीन निर्देशातील इतर कोणत्याही नियम आणि अटी बदललेल्या नाहीत. दिनांक 26 एप्रिल 2021 च्या सुधारित निर्देशाची प्रत बँकेच्या आवारात जनतेच्या माहितीसाठी लावण्यात आलेली आहे.

4. भारतीय रिझर्व्ह बँकेच्या उपरोक्त मुदत वाढीमुळे आणि/किंवा निर्देशातील परिवर्तनामुळे जनतेने असे गृहीत धरू नये की, बँकेच्या सुधारलेल्या आर्थिक स्थितीवर भारतीय रिझर्व्ह बँक समाधानी आहे.

(योगेश दयाल) 
मुख्य महाप्रबंधक

प्रेस प्रकाशनी: 2021-2022/136