తేది : 18/09/2023

ది లాల్ బౌగ్ సహకార బ్యాంకు,వడోదర,గుజరాత్ పై భారతీయ రిజర్వు బ్యాంకు ఆర్ధిక జరిమానా (పెనాల్టీ) విధింపు

పట్టణ సహకార బ్యాంకులు, ఇతర బ్యాంకులలో పెట్టే డిపాజిట్లపై భారతీయ రిజర్వు బ్యాంకు విడుదల చేసిన మార్గ దర్శకాలను ఉల్లంఘించినందుకు, “పట్టణ సహకార బ్యాంకులు- డిపాజిట్లపై వడ్డీ రేట్లు” పై 2016 సంవంత్సరపు మార్గ దర్శకాలను పాటించ నందులకు గాను ది లాల్ బౌగ్ సహకార బ్యాంకు,వడోదర,గుజరాత్ పై భారతీయ రిజర్వు బ్యాంకు తమ ఉత్తర్వు తేది 22-08-2023 ద్వారా రు.5.00 లక్షలు (అక్షరాల అయిదు లక్షల రూపాయలు మాత్రమే) పెనాల్టి విధించినది. బ్యాంకింగ్ రెగ్యులేషన్ చట్టము 1949 లోని సెక్షన్ 47 ఎ(1) (సి) మరియు సెక్షన్ 46(4)( ఐ) మరియు సెక్షన్ 56 ల ద్వారా తమకు సంక్రమించిన అధికారాలకు లోబడి రిజర్వు బ్యాంకు ఈ జరిమానా ను విధించడమైనది.

చట్ట బద్ధముగా పాటించవలసిన ఆదేశాలను పాటించకపోవడము అనే లోపము వలన ఈ చర్య తీసుకోవడము జరిగింది కాని, సదరు బ్యాంకు తమ ఖాతాదారులతో చేసుకున్న ఒప్పందాలు లేదా లావాదీవీల ప్రామాణికతకు సంబంధించినది కాదు.

నేపధ్యము

ఈ బ్యాంకు యొక్క 31-03-2022 తేది నాటి ఆర్ధిక పరిస్థితి ప్రామాణికముగా రిజర్వు బ్యాంకు వారు చట్ట బద్ధ తనిఖీ నిర్వహించారు .ఆ తనిఖీ నివేదికను,ముప్పు(రిస్క్) అంచనాల నివేదిక మరియు తత్సంబంధిత పత్రములను పరిశీలించిన మీదట,

(i) ఈ బ్యాంకు ఇతర బ్యాంకులలో నెరపవలసిన అత్యధిక స్థూల బహిర్గత పరిమితి ని ఉల్లంఘించిందని (ii) ఈ బ్యాంకుకు, ఇతర బ్యాంకుల కు మధ్య ఉండవలసిన విచక్షణా యుతంగా నిర్ణయించబడిన కౌంటర్ పార్టీ అత్యధిక ఆర్ధిక పరిమితులను ఉల్లంఘించినదని(iii) కాల పరిమితి ముగిసిన రికరింగ్ డిపాజిట్లలో/ కాలపరిమితి డిపాజిట్లలో, వాస్తవంగా డిపాజిట్ చెల్లింపు తేది వరకు అనువర్తించే వడ్డీ రేటు ప్రకారం వడ్డీ చెల్లించలేదని గమనించడము జరిగినది. తదనుగుణంగా, పైన పొందుపరచిన అవకతవకలు జరిగినందులకు గాను, భారతీయ రిజర్వు బ్యాంకు ఆదేశాలు పాటించనందులకుగాను ఈ బ్యాంకుపై ఎందుకు జరిమానా విధించరాదో వివరణ ఇవ్వ వలసినదిగా బ్యాంకు కు నోటీసు ఇవ్వడమైనది.

ఈ బ్యాంకు సమర్పించిన వివరణ పరిశీలించిన మీదట, వ్యక్తిగత మౌఖిక విచారణ లో వాదన విన్నమీదట, రిజర్వు బ్యాంకు వారు సూచించిన చట్టబద్డమైన ఆదేశాల ఉల్లంఘన జరిగిందని నిర్ధారించుకుని ఈ బ్యాంకు పై ఆర్ధిక పరమైన జరిమానాను విధించడమైనది.

యోగేష్ దయాళ్
చీఫ్ జనరల్ మేనేజరు

పత్రిక ప్రకటన విడుదల 2023-24/943