తేది: 04-12-2023

ది చెంబూర్ నాగరిక సహకారి బ్యాంకు లిమిటెడ్, ముంబై మహారాష్ట్ర పై -
భారతీయ రిజర్వు బ్యాకు ఆర్ధిక జరిమానా (పెనాల్టీ) విధింపు

భారతీయ రిజర్వు బ్యాంకు వారు, “డిపాజిట్ల ఖాతాల నిర్వహణలో” పట్టణ సహకార బ్యాంకులకు జారీ చేసిన నిబంధనలను సక్రమముగా అమలుపరచనందులకు గాను, తమ ఉత్తర్వు తేది 20-11-2023 నాటి ద్వారా ది చెంబూర్ నాగరిక సహకారి బ్యాంకు లిమిటెడ్,ముంబై, మహారాష్ట్ర పై రు.1.00 లక్ష (అక్షరాల ఒక లక్ష రూపాయలు మాత్రమే) ఆర్ధిక జరిమానా (పెనాల్టీ) విధించడము జరిగింది.

బ్యాంకింగ్ రెగ్యులేషన్ చట్టము 1949 లోని సెక్షన్ 47 ఎ(1) (సి) మరియు సెక్షన్ 46(4)( ఐ) మరియు సెక్షన్ 56 ల ద్వారా తమకు సంక్రమించిన అధికారాలకు లోబడి రిజర్వు బ్యాంకు ఈ జరిమానా ను విధించడమైనది.

చట్ట బద్ధముగా పాటించవలసిన ఆదేశాలను పాటించకపోవడము అనే లోపము వలన ఈ చర్య తీసుకోవడము జరిగింది కాని, సదరు బ్యాంకు తమ ఖాతాదారులతో చేసుకున్న ఒప్పందాలు లేదా లావాదీవీల ప్రామాణికతకు సంబంధించినది కాదు.

నేపధ్యము

ఈ బ్యాంకు యొక్క 31-03-2022 తేది నాటి ఆర్ధిక పరిస్థితి ప్రామాణికముగా రిజర్వు బ్యాంకు వారు చట్ట బద్ధ తనిఖీ నిర్వహించారు. ఆ తనిఖీ నివేదికను,ముప్పు అంచనాల నివేదిక మరియు తత్సంబంధిత పత్రములను పరిశీలించిన మీదట, ఈ బ్యాంకు, తమ బ్యాంకు సేవింగ్స్ బ్యాంకు ఖాతాదారుల ఖాతాలలో కనీస నిల్వ ఉంచనందులకు గాను. కనీస నిల్వ కంటే తక్కువ పడిన మొత్తానికి దామాషా ప్రకారము అపరాధ రుసుము విధించ కుండా నిర్దుష్ట అపరాధ చార్జీలను విధించింది. అంతే కాక, సేవింగ్స్ బ్యాంకు ఖాతాలలో కనీస నిల్వ కంటే తక్కువ ఉన్నట్లయితే, ఆ కొరతను నోటీసు ఇచ్చిన నెల రోజులలోగా భర్తీ చేయాలని, లేని యెడల అపరాధ చార్జీలు పడతాయని, ఖాతాదారులకు బ్యాంకు తెలియ పరచలేదు.

తదనుగుణంగా, పైన పొందుపరచిన అవకతవకలు జరిగినందులకు గాను, భారతీయ రిజర్వు బ్యాంకు ఆదేశాలు పాటించనందులకుగాను ఈ బ్యాంకుపై ఎందుకు జరిమానా విధించరాదో వివరణ ఇవ్వ వలసినదిగా బ్యాంకు కు నోటీసు ఇవ్వడమైనది.

ఈ బ్యాంకు సమర్పించిన వివరణ పరిశీలించిన మీదట, వ్యక్తిగత మౌఖిక విచారణ లో వాదన విన్నమీదట, రిజర్వు బ్యాంకు వారు సూచించిన చట్టబద్డమైన ఆదేశాల ఉల్లంఘన జరిగిందని నిర్ధారించుకుని ఈ బ్యాంకు పై ఆర్ధిక పరమైన జరిమానాను విధించడమైనది.

(యోగేష్ దయాళ్) 
చీఫ్ జనరల్ మేనేజర్

పత్రికా విడుదల: 2023-2024/1406